ភ្នំពេញ៖ អគ្គិភ័យឆាបឆេះអាគារ Sky City នៅសង្កាត់ទន្លេបាសាក់ ខណ្ឌចំការមន ត្រូវបានគ្រប់គ្រងទាំងស្រង់ ក្រោយប្រតិបត្តិការពន្លត់អស់រយៈពេល ៤ថ្ងៃ គិតចាប់ពីថ្ងៃទី២០ ខែធ្នូ ឆ្នាំ២០២៣។
ទេសរដ្ឋមន្ត្រី អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ លោក គន់ គីម បានគូសបញ្ជាក់ អគ្គិភ័យនេះអូសបន្លាយអស់រយៈពេលដល់ទៅ៤ថ្ងៃ ក៏ដោយសារក្នុងអាគារមានភាពស្មុគស្មាញ និងផ្តល់ផលលំបាកសម្រាប់ឱ្យក្រុមជំនាញចូលប្រតិបត្តិការ ខណៈអាគារនេះមានសភាពទ្រុឌទ្រោម។
ទេសរដ្ឋមន្ត្រី គន់ គឹម សុំអភ័យទោសចំពោះផលប៉ះពាល់ផ្សែងដល់ពលរដ្ឋដែលរស់នៅក្បែរកន្លែងកើតហេតុ។
ពាក់ព័ន្ធមូលហេតុឆាបឆេះ អាជ្ញាធរមិនទាន់បញ្ជាក់ថាមកពីមូលហេតុអ្វីនៅឡើយទេ៕
